Bidasoa bizirik Eusko Jaurlaritzako Turismo, Merkataritza eta Kontsumo Sailak bultzatutako Merkataritzako Bulego Teknikoen Sareko kide da, eta, horrela, merkataritza-enpresaren lehiakortasuna hobetzeko zerbitzuak eta programak eskaintzen ditu Bidasoaldean.
Euskal Autonomia Erkidegoko Merkataritzako Bulego Teknikoen Sarea:
- EAEko merkataritza-enpresei laguntzeko aktibo nagusietako bat da, eta politika publikoak koordinatzeko eta kudeatzeko balio handiko lan-taldea da. Sektoreari lotutako jarduerak eraginkortasunez egiteko beharrezko aholkularitza eta trebetasuna ematen dute. Hori guztia, hurbiltasunetik eta merkataritzaren problematikaren ezagutzatik abiatuta.
- Eusko Jaurlaritzako Turismo, Merkataritza eta Kontsumo Sailak diruz lagundutako zerbitzua da, eta honako helburu nagusi hauek ditu: merkataritza-sektoreko profesionaltasuna handitzea eta sektoreko jarduera ekonomikoa hobetzen lagunduko duten beharrezko baldintzak sortzea, Euskal Autonomia Erkidegoaren lurralde-eremuan.
Merkataritzako Bulego Teknikoen sare honen lanak askotariko arloak hartzen ditu:
- Aholkularitza pertsonalizatua
- Kalitate-prozesuen eta teknologia berrien sentsibilizazioa eta hedapena
- Lankidetza horizontaleko prozesuak bultzatzea (hiri-inguruneetan)
- Lankidetza bertikaleko prozesuak bultzatzea (banaketa-katean)
- Enpresa-transmisioko eta ekintzailetzako prozesuen berrikuntzarekin, jarraipenarekin eta bultzadarekin lotutako prozesuen sentsibilizazioa eta hedapena
- Ondarearekin, kulturarekin eta ingurumenarekin jasangarria den ekonomiarekin lotutako estrategiak garatzea
- Hirugarren sektoreko estrategiak bultzatzea udalerri eta/edo eskualde mailan
- Kontsumitzaileentzat balio erantsia sortzen duten ekintzak garatzea, xede-publikoaren fideltasuna lortzera bideratuak, eta abar.
Kontaktua:
Tel: 943509600