Lanaren Zentzua

Langileek lana nola bizi duten ulertzeko eta haien ongizatea hobetzeko diagnostikoa

Zer da eta zer helburu ditu?

Lanaren Zentzua Gipuzkoako Foru Aldundiaren programa bat da, enpresei beren langileen lan ongizatea hobetzen laguntzen diena, diagnostiko espezifiko baten bidez. Helburua lan ingurune jasangarriagoak sustatzea da, non ongizatea eta enpleguaren kalitatea hobetzeak lehiakortasuna indartzen ere laguntzen duen. Bidasoa activa programaren erakunde laguntzaile eta bidelagun gisa aritzen da.

Zer eskaintzen dizu?

Langileen artean lanaren pertzepzioa eta zentzua aztertzen dituen diagnostiko txosten pertsonalizatua, emaitzak sektoreko batez bestekoarekin alderatuz.

Indarguneak eta hobekuntza arloak identifikatzen dira, eta lan eredu osasungarriago eta motibatzaileagoetara aurrera egiteko gomendio zehatzak eskaintzen dira.

Pertsonak entzuteko, lan giroa hobetzeko eta datuetan oinarritutako erabaki estrategikoak bideratzeko tresnak.

Norentzat da?

Lanaren Zentzua eskualdeko enpresa guztiei zuzenduta dago, sektorea, tamaina edo jarduera edozein dela ere. Langileen ongizatea, motibazioa eta inplikazioa hobetu nahi duen edozein enpresak baliatu dezake programa.

Eskaera egiteko epea

Eskaera epea urte osoan dago zabalik, eta enpresek edozein unetan hasi dezakete prozesua.