BELAUNALDI-ERRELEBOA ETA ADINAREN KUDEAKETA ENPRESAN
Lan Mentoring
Belaunaldi erreleboa planifikatu eta enpresaren funtsezko ezagutza gorde
Zer da eta zer helburu ditu?
Lan Mentoring belaunaldi erreleboa planifikatu eta funtsezko lanpostuetan ezagutzaren transferentzia bermatu behar duten ETEentzako doako laguntza zerbitzua da. Erretiratzen edo lanpostuz aldatzen diren pertsonen esperientzia enpresan mantentzen laguntzen du, negozioaren jarraitutasuna bermatuz. Programa Lanbidek sustatzen du Innobasquerekin batera, eta Bidasoa activa bitartekari eta laguntzaile gisa aritzen da haren ezarpenean.
Zer eskaintzen dizu?
50 orduko aholkularitza pertsonalizatua, enpresarentzat kosturik gabe.
Gehienez 6 hilabeteko prozesua, hiru fasetan banatua: 1) lanpostu eta prozesu kritikoen diagnostikoa; 2) laguntza publikoekin eta tresnekin konektatzeko aholkularitza (prestakuntza, enplegua, kontratazioa); eta 3) senior langileen ezagutza gazteagoei edo sarrera berriei transferitzeko laguntza zuzena.
Prozesuan planteatutako ekintzetako gutxienez baten benetako ezarpena, etorkizuneko erreleboak modu autonomoan kudeatzeko metodologiak barneratzea ahalbidetuz.
Norentzat da?
Lan Mentoring eskualdeko ETEei zuzenduta dago, 10 eta 249 langile arteko plantillarekin. Lehentasunez industria, industriari lotutako zerbitzuak, informazioaren eta komunikazioen gizartea, logistika edo handizkako merkataritza sektoreetako enpresei zuzentzen zaie.
Eskaera egiteko epea
Eskaera epea urte osoan dago zabalik, eta enpresek edozein unetan hasi dezakete prozesua.
