KONEKTATU LIDERGOAREKIN ETA EKINTZAILETZA BERRITZAILEAREKIN
Mahai-ingurua: Nexi Health, Flybble, Oreka, Olatu Berdera Mobility, Batu.
LEINNeko bost ikasle-taldek osasuna, hezkuntza, mugikortasun jasangarria, gizarteratzea eta landa-garapena bezalako sektoreetako proiektu ekintzaileak aurkeztuko dituzte. Beren esperientzia, aurrez aurre dituzten erronkak eta irtenbide berritzaileak partekatuko dituzte. Talentu gaztea gizartean benetako aldaketak nola bultzatzen ari den ezagutzeko aukera paregabea.
Nexi Health gaixoentzako elkarrizketa-agente bat eta medikuentzako software kliniko batek osatutako gailu mediko bat da, gaixotasun mentalen diagnostikoa eta jarraipena hobetzeko diseinatua. Gure soluzioak prozesuak arintzen ditu eta karga administratiboa murrizten du, medikuei beren pazienteen zaintzan erabat fokalizatzea ahalbidetuz. Ongizatea bizi-eragile gisa jartzeko helburuarekin, Nexik osasun mentalerako sarbide unibertsalagoa eta errazagoa eskaintzen du, medikuak eta pazienteak ahaldunduz, arreta medikoa eraginkortasunez eta kalitatez eraldatzeko.
Flybblek kirolaren eta hezkuntzaren etorkizuna bultzatzen du! Drone Soccer enpresa liderra gara Espainian eta FIDAren banatzaile ofizial bakarra herrialdean. Produktu esklusiboak eta hezkuntza-esperientziak eskaintzen ditugu, ingurune interaktibo eta lehiakorretan STEAM trebetasunak eta trebetasun teknologikoak garatzen dituztenak. Ikastetxeetan, akademietan eta kirol-erakundeetan jarri dugu arreta, inpaktu positiboa sortzeko eta kirol-entretenimendua iraultzeko.
Olatu Berdea Mobility-n hiru urte baino gehiago daramatzagu Euskadiko mugikortasun jasangarria sustatzen. Donostia, Irun eta Zarautz bezalako udalerrietan mugikortasun-ohituren eta beharren diagnostiko-ikerketa lanak egiten ditugu, baita enpresentzat mugikortasun-plan pertsonalizatuak diseinatu ere, langileen joan-etorriak eraginkorragoak eta jasangarriagoak izan daitezen. Orain, aldaketa-prozesu batean gaude, gure lurraldearen ingurumen-inpaktua hobetzeko soluzio berritzaileak garatzeko helburuarekin.
B:atu Lan eta hezkuntza eremu atseginak eta erosoak sortzea da gure helburua, non pertsonek euren potentziala modu eraginkorrean garatu dezaketen.
Horretarako haurrentzako tailerrak egiten ditugu, metodologia gamifikatu batean oinarrituaz. Hauek aniztasuna landu eta genero-estereotipoak zalantzan jartzea dute helburu.
Enpresa-arloan, berriz, lan-giroa eta enpresaren-kultura hobetzeko helburuarekin lehen urratsak eman berri ditugu.
Egun, lan-lerro honetan, berrikuntza-prozesu batean murgilduta gaude. Bertan, nitxo jakin batera zuzendutako zerbitzu-produktu berri bat sortzeko.
OREKA herri txikiei gazteak atxikitzen eta erakartzen laguntzeko beharretik sortutako proiektua da. Gure helburua udalerriko aisialdi-aukerak hobetzea da, erakargarriagoa izan dadin eta gazteek bertan denbora gehiago eman dezaten.
Proiektuaren hiru kideak jatorriz udalerri txikikoak gara, eta, beraz, ondo ezagutzen dugu errealitate hori. Gure inguruko gazteen egoera ulertzen dugu eta horrekin enpatizatzen dugu. Landa-inguruneetan aisialdia eta herritarren parte-hartzea sustatzeko irtenbide berritzaileak garatzen eta ezartzen espezializatuta gaude.