Prentsa-oharrak

Irungo hotelen okupazioa % 84 ingurukoa izan da abuztuan

 

Gehiago irakurri:

Bidasoa bizirik-ek ekintzaileentzako beka berrien deialdia egin du

 

Gehiago irakurri:

Irungo hotelen okupazioa %75 ingurukoa izan da uztailean

·Turismo Bulegora egindako bisitek gora egin dute.

Irunen, uztailean, hotelen okupazioa %74,13koa izan da, 2019ko garai berean baino %16,8 txikiagoa. Datu hori 2018an lortutakoaren antzekoa da, urte hartan okupazioak % 80ra iritsi baitziren.

Hirian gaua eman duten pertsonen jatorria ere aldatu egin da; izan ere, iaz %70 nazionalak ziren eta %30 atzerritarrak. Oraingo honetan, turismo nazionala %60 izan da eta atzerrikoa %40.

Hala ere, ez da aldaketarik izan herrian gaua igarotzeko batez bestekoan: 2 gau bisitari bakoitzeko.

"Bizi dugun egoeraren aurrean, %75eko hotel-okupazioa izatea datu positiboa da", esan du Miguel Angel Páez Bidasoa bizirikeko presidenteak. "Datu horiek erakusten dute turismo nazionalak Bidasoaren aldeko apustua egiten jarraitzen duela", gaineratu du.

Ildo beretik, Bidasoa bizirik-eko presidenteorde Maria Serranok adierazi duenez, "iazko udan Irungo turismoa goraka ari zen eta, azken hilabeteetan gertatu dena gorabehera, aurten bisitarien kopuruei eutsi diegu eta horrek erakusten du hiria turismo-helmuga gisa sendotzen ari dela".

Bisita gehiago  Turismo Bulegora

Irungo Turismo Bulegoak 1.377 bisita izan ditu uztailean, 2019ko epe berean baino 7 gehiago; horietatik 834 Irungoak ziren, hau da, ia %50 gehiago iazko uztailarekin alderatuta.

Bulegoa bisitatu duten gainerako pertsonei dagokienez, 24 Euskadiko beste leku batzuetatik etorritakoak ziren, eta 206 Estatuko gainerako tokietatik; azken horien artean, Madrildik, Kataluniatik, Valentziako Erkidegotik eta Gaztela-Mantxatik etorritakoak nabarmentzen dira.

Gainerako 313 pertsonak beste herrialde batzuetakoak ziren, batez ere Frantziakoak (Frantziako turista kopurua iazkoa bezalakoa izan da), Alemaniakoak, Herbehereetakoak eta Belgikakoak.

 

 

 

 

Gehiago irakurri:

Hondarribiko hotel-okupazioa %73koa izan da uztailean turismo nazionalari esker



·Estatuko turismoa %80koa izan da hil honetan, 2019ko uztaileko %60arekin alderatuta.

·Turismo bulegoek 7.640 bisita izan dituzte guztira.

Hotelen okupazioa %72,9ra iritsi da Hondarribian uztailean. Hau da, %15,2 jaitsi da 2019ko aldi berarekin alderatuta, eta batez ere turismo nazionalari esker lortu da, aurten % 80koa izan baita, iaz baino 20 puntu gehiago.

"Uda uste genuena baino hobeto doala erakusten duten datuak dira. Duela hilabete batzuk Hondarribian turistak hartzeko aukerarik izango genuen ere ez genekien, beraz, datuen irakurketa positiboa egin daiteke ", esan du Miguel Angel Páez Bidasoa bizirik-eko presidenteak.

Bestalde, Maria Serrano Bidasoa bizirik-eko presidenteordeak azaldu duenez, "aurten jendea inguruko lekuetara joatea erabakitzen ari da, eta hainbeste turista nazionalek Hondarribia oporretarako helmuga gisa aukeratu izanak herriak potentzial turistiko handia duela erakusten du".

Hotelen okupazioari dagokionez, nabarmendu behar da, azkenik, herriko hotel guztiak irekita daudela eta bisitari bakoitzak 2 gau igaro dituela, batez beste.

Ildo horretan, "hilabetea uste baino hobeto joan dela” esan du Jauregui Hoteleko Gonzaga Jauregik. “Okupazioak eta batez besteko prezioak behera egin dute, baina okerragoa izan zitekeen. Okupazioa, adibidez, %70ekoa izan da; iazko % 85arekin alderatuz gero, gutxi da, baina ekaineko %35aren ondoan datu ona da. Alde positiboa ikusi behar da”.

Ildo beretik, Diego Rodriguez Jaizkbiel hoteleko zuzendariak esan duenez, "espero genuenerako, uztaila nahiko ondo joan da. Astegunetan agian ahulago, baina asteburuetan mugimendu handia izaten ari gara, batez ere erkidego mugakideetatik datozen pertsonak".

Bisitari nazional gehiago

Hilabete honetan, 7.640 pertsona pasa dira herriko turismo bulegoetatik. Zehazki, 5.423 lagunek bisitatu zuten Arma Plazako bulegoa eta 2.217k Portukoa.

Horietatik, 371 Hondarribikoak ziren, 672 Euskadikoak eta 4.052 Espainiakoak, batez ere Madrilgoak, Kataluniakoak, Valentziakoak, Andaluziakoak, Aragoikoak eta Nafarroakoak. Gainerako 2.545 pertsonak atzerritarrak ziren, besteak beste, Frantzia, Alemania, Belgika, Holanda eta Erresuma Batuakoak.

Ziurgabetasuna abuztura begira

Abuztura begira, "ziurgabetasun sentsazioa erabatekoa dela” esan du Gonzaga Jaureguik. “Albisteen mende dago asko, onak badira, erreserbak igotzen dira, txarrak badira, deuseztatu egiten dira. Oraingoz, hilabetearen lehenengo bi asteak ondo joango direla dirudi, baina egunez egun eta zer gertatuko den jakin gabe goaz".

Diego Rodriguezek, bere aldetik, hurrengo hau esan du: “Abuztua hasi zenetik mugimendu gehiago ikusten da, baina gehienak azken orduko erreserbak dira. Jende asko etortzen da eta, gauzak nola dauden ikusita, egonaldia azken unean luzatzen dute".

 

Gehiago irakurri:

Bidasoa bizirik-ek tokiko sare ekonomikoari laguntzen jarraitu du online ekimen ugariren bidez

 

·Online egin diren hainbat prestakuntza eta beste ekimen antolatu ditu langabeei, ekintzaileei eta enpresa txikiei laguntzeko.

· Tokiko merkataritzari eta ostalaritzari laguntzeko jarraipena ere egin da.

Irun eta Hondarribiko udalek, Bidasoa bizirik-en bitartez, azken hilabeteetan hainbat online prestakuntza eta beste ekimen telematiko ugari antolatu dituzte langabezian dauden pertsonei eta eskualdeko enpresa txiki eta ekintzaileei laguntzeko.

"Nahiz eta konfinamenduak Bidasoa bizirik-eko taldeak telelana egin behar izatea eragin bazuen ere, urte osoan laguntza eskaintzen diegun pertsona guztiak artatzen jarraitu nahi genuen hasieratik. Alarma-estatua dekretatu bezain laster, egoera berrira egokitu ginen, ohiko zerbitzuak telematikoki eskaintzen jarraitzeko, eta, gainera, bizi izan dugun egoera ezohikoaren aurrean ezinbestekotzat jotzen genituen estra asko antolatu ditugu ere ", azaldu du Miguel Angel Páez Bidasoa bizirik-eko presidenteak.

Hori dela eta, azken hilabeteetan Bidasoa bizirik-en 'Ni etxetik prestatzen naiz' ekimena gauzatu da. 180 pertsonak parte hartu duten proiektu horren barruan eta doako tailer birtualak antolatu dira, langabeek curriculuma eta enplegua bilatzeko trebetasunak hobetu ditzaten. ‘Enplegua bilatzeko denboraren kudeaketa eraginkorra', ‘Probetxua atera LinkedIn profilera ','Excel gailu mugikorretarako' edo frantsesa izan dira online tailerretan jorratu diren gaietako batzuk.

Gainera, Bidasoa bizirik-etik bestelako online formazio espezifikoagoak antolatu dira, hala nola 'Alergenoen kudeaketa', 'Elikagaien manipulazioa' edo 'Excel aurreratua', aurretik programatuta zeudenak eta martxotik ekainera bitartean 54 ikasle berri izan dituztenak. Puntu honetan azpimarratu behar da ikastaro horiek telematikoki egingo direla datozen asteetan eta izen-emateak www.elespazio.com webgunean egin daitezkeela.

Ekintzaileei eta enpresa txikiei laguntzea

Bestalde, Bidasoa bizirik-ek eskualdeko enpresa txikiei eta ekintzaileei laguntzen jarraitu du. Adibidez, ‘Ekin asteazkeneetan’ ekimena online egiten jarraitu da hilean behin, eta gai hauek jorratu dira: 'Covid19 delakoak sortutako krisia gainditzeko balio-proposamen bat nola diseinatu' edo 'Marketing online, pertsona ekintzaileentzako Lean metrikak eta bihurketa-inbutuak’.

Ekintzailetza sailak, gainera, Lean tailerrak antolatu ditu (online ere bai), metodologia bizkorren bidez enpresa-ekimenak hobetzeko. Horrez gain, Eguerdi On topaketak ere antolatu ditu, zenbait astez behin eskualdeko ekintzaileak biltzen dituenak, coach baten gidaritzapean, ekintzaile diren aldetik eragiten dieten hainbat alderdi jorratu eta lantzeko saio bat egiteko, elkarri lagunduz, bakoitzak bere esperientzien bidez.

Era berean, Krea Bidasoa 2020 azoka ezin izan zenez ospatu, sail berak erabaki zuen Krean ikusle gehien erakartzen dituen hitzorduetako bat telematikoki egitea: Pechakucha. Metodologia horretan, parte-hartzaile bakoitzak 20 irudi proposatzen ditu, bakoitza 20 segundoz proiektatzen da, eta horien gainean bere proiektu ekintzaileari buruz hitz egiten du. Horrela, eskualdeko hainbat ekintzailek beren proiektuak aurkeztu ahal izan zituzten online.

Guztira, 140 pertsona inguruk hartu dute parte sail honek antolatutako jardueretan.

"Enpresa txikiei laguntzen jarraitzeaz eta hainbat erakundek emandako laguntza guztiei buruzko informazioa emateaz gain, eta horien kudeaketan laguntzeaz gain, oso garrantzitsutzat jo dugu eskualdeko ekintzaileek Bidasoa bizirik-en babesa izaten jarraitzea, batez ere Covid-19ko krisiak negozio eta proiektu askori eragin dien une honetan", esan du María Serrano Bidasoa bizirik-eko presidenteordeak.

Merkataritzaren eta ostalaritzaren jarraipena

Ildo beretik, konfinamenduan zehar, tokiko saltokien eta ostalaritza-establezimenduen jarraipena egin da, beren produktuen etxez etxeko bidalketak zeintzuk eskaintzen zituzten jakiteko. Informazioa bildu ondoren, sare sozialen eta Bidasoa bizirik-ko webgunearen bidez eman zen ezagutzera.

Gainera, deseskalada hasi zenean, mapa bat zuen doako app bat garatu zen, non erakusten zen zer taberna eta jatetxe zeuden irekita eta zer zerbitzu ematen ari ziren.

Azkenik, sektore hauekin prestakuntza-programa bat ere garatu da webinar-ekin, besteak beste, 'Prestatu zure denda berriz irekitzeko', 'Espezialistak bezeroengan', ‘Nola proiektatu irudi bera zure saltokian eta Interneten', 'Eta orain zer? Merkataritza erresilientea 'eta abar. Guztira 8 ikastaro egin dira, eta 150 pertsona inguruk parte hartu dute.

 

 

Gehiago irakurri:
  • Copyright © 2020 Bidasoa Bizirik. Eskubide guztiak erreserbatuak
  • Hendaia, 8 - Ducoureau Jauregia 20301 Irun (Gipuzkoa)
  • Tel.: +34 943 509 600 - Fax.: +34 943 509 608 - bidasoa-activa@bidasoa-activa.com