Prentsa-oharrak

Hondarribia-Irun Turismoa renueva su página web y los folletos promocionales de la comarca

web turismo prensa

 

Gehiago irakurri:

Bidasoa bizirik-ek, Iñigo Lavadorekin batera, programa bat sortu du online formatuan, sukaldean ari diren bitartean eskualdeko ekintzaile ezberdinak ezagutaratzeko

 


 

·Formatu dinamiko eta freskoarekin, Iñigo Lavadok eta Ramón Aramburuk pertsona ekintzaileekin batera kozinatuko dute euren proiektuari buruz hitz egiten duten bitartean.

· Programa bakoitzak 30 minutuko iraupena izango du, etenik gabe, eta uztailaren 17tik aurrera emango dira Bidasoa bizirik eta Hondarribia-Irun Turismoa webguneetan eta sare sozialetan.

Irungo eta Hondarribiko udalek, Bidasoaren bitartez, Iñigo Lavado sukaldariarekin batera, formatu berri eta dinamikoarekin lau saio grabatzeko ekimena jarri dute abian.

30 minutuko iraupena izango duen saio bakoitzean Ramon Aramburu eskualdeko ekintzailea izango du lagun sukaldariak. Elkarrekin, Irungo edo Hondarribiko ekintzaile bat elkarrizketatuko dute, sukaldean ari diren bitartean. Hain zuzen ere, Alameda jatetxeko Gorka Txapartegik, Oihanalde baserriko Arantxa Arruabarrenak, HS2 Surf Eskolako Iñaki Navascuesek eta Dibulitoon ikus-entzunezko ekoiztetxearen sortzailea den Ricardo Ramonek hartuko dute parte. Horrela, errezeta bat prestatzen duten bitartean, Iñigok eta Ramonek proiektu ekintzaileari buruz hitz egingo dute gonbidatuarekin.

"Ilusio handia egiten didan ekimena da", esan du Iñigo Lavadok. "Konfinamenduan zehar zuzeneko bideo batzuk egin ditut sare sozialen bidez, batzuk kirolzaleei zuzenduta eta beste batzuk ostalaritzan lan egiten dutenei. Arrakasta handia izan zuten, eta, horren ondorioz, Bidasoako eskualdeari balioa emateko moduari bueltak ematen hasi nintzen; izan ere, hemen kontatzeko gauza asko duten pertsona ekintzaile asko daude, baina agian ez dute hainbeste aukera hedabideetan ateratzeko. Horrela sortu zen programa freskoak, dinamikoak eta entretenigarriak garatzeko ideia ", gaineratu du.

Ildo horretan, Ricardo Ramonek, Dibulitoon haurrentzako filmen eta telesailen ekoiztetxearen sortzaileak, azaldu duenez, Irunen dagoen bere enpresan "‘Elkano. Lehen mundu bira’ bezalako film oso ezagunak ekoitzi ditugu. Baina jende askok ez daki. Enpresa handientzako publizitate-bideoak ere egin ditugu, baina hemengoek ez gaituzte ia ezagutzen. Horregatik iruditzen zaigu programa gure inguruan ezagutarazteko ekimen bikaina dela. Gainera, Iñigo Lavadorekin sukaldean aritzea oso dibertigarria izango da ".

Formatu dinamikoa eta freskoa

Testuinguru honetan, sukaldariak saio bakoitzean erakutsiko dituen sukaldaritza eta errezetak "eskualdea handitzen duten ekintzaile horiek hobeto ezagutzeko aitzakia dira. Programa dinamizatzen lagunduko didan Ramon Aranbururekin batera, bere proiektuei eta enpresei buruz hitz egingo dugu haiekin ", esan du Lavadok.

Bestalde, Miguel Ángel Páez Bidasoako presidenteak azaldu duenez, ekimen hau "Irungo eta Hondarribiko ekintzaileei eta enpresa txikiei beste modu batean ikusarazteko sortu da, formatu dibertigarri eta dinamiko batekin".

Maria Serrano Bidasoako presidenteordeak gaineratu duenez, "Sukaldaritza jende askori interesatzen zaion arloa da, eta horregatik uste dugu programek onarpen handia izango dutela, errezeta berriak ezagutzeko aukera eskaintzen baitute, eta, aldi berean, gure inguruko proiektuak deskubrituko ditugu, agian pertsona askorentzat ezezagunak zirenak".

Saioak Ficobako Inigo Lavado jatetxean grabatuko dira, eta uztailaren 17tik aurrera hamabostero emango dira. Bidasoa bizirik-en webgunean (www.bidasoa-activa.com) eta Hondarribia-Irun Turismoarenean (www.bidasoaturismo.com) ikusi ahal izango dira, eta Bidasoa bizirik-eko eta Visit Irun-Hondarribiko sare sozialetan ere zabalduko dira.

 

Gehiago irakurri:

Bidasoa bizirik-ek webinar berri bat kaleratu du enpresei Covid-19k eragindako krisia gainditzen laguntzeko

 


·‘Nola diseinatu Covid-19ak eragindako krisia gainditzeko balio proposamen bat?’ ikastaroa uztailaren 15ean emango da bide telematikoz.

· Ikastaroa ‘Ekin asteazkenetan’ programaren barruan kokatzen da eta arrakastaz konpondu diren kasu errealak erakustea du helburu.

Irungo eta Hondarribiko udalek, Bidasoa aktiboren bidez, ekintza berri bat jarri dute abian Bidasoako enpresei krisi hau gainditzen laguntzeko: ‘Nola diseinatu Covid-19ak eragindako krisia gainditzeko balio proposamen bat?’ webinarra edo online ikastaroa Jose Maria de la Torre enpresari, aholkulari eta hainbat negozio eskoletako irakaslearen eskutik.

"Webinar hau ‘Ekin asteazkenetan' gure prestakuntza-programaren barruan kokatzen da. Programa hori hilean behin egiten da, Irun eta Hondarribiko ekintzaileei beren proiektuak garatzen laguntzeko. Jakin badakigu pertsona horiek inoiz baino babes handiagoa behar dutela orain, horregatik egokitu dugu ekimena egungo egoerara, eta azken hilabeteetan online bi edizio egin dira, hirugarrena hau delarik", adierazi du Miguel Angel Páez Bidasoa bizirik-eko presidenteak.

Uztailaren 15ean, 10:00etatik 12:00etara, ‘Nola diseinatu Covid-19ak eragindako krisia gainditzeko balio proposamen bat?’ webinarraren helburua Bidasoako ekintzaileek eta enpresaburuek beren enpresak eta proiektuak aurrera ateratzeko metodo ordenatu bat aplikatzen ikastea da. Horretarako, krisialdiak igaro dituzten eta metodo horri esker negozioa salbatzea lortu duten beste enpresa eta proiektu batzuen benetako adibide asko erabiliko dira.

Gainera, webinarean parte hartzen duten pertsonek ekintzak diseinatuko dituzte, bakoitzak dituen baliabideekin egin ahal izateko. Ekintza horien helburua izango da jendeak ulertzea zergatik erosi behar dituen bere zeritzu edo produkutak eta zergatik erosi behar dituzten orain.

"Azken batean, ekintzaileek eta Bidasoan negozio bat dutenek krisi-egoeretatik igaro diren enpresen eta proiektuen benetako kasuak ezagutzea da gure helburua. Kasu horietan zer egin zuten ulertzeak estrategia propioa diseinatzen lagunduko die, aurten euren negozioan lortu nahi zituzten helburuak lortzeko ", azaldu du Maria Serrano Bidasoa bizirik-eko presidenteordeak.

Parte hartu nahi duten guztiek www.bidasoa-activa.com webgunearen bidez edo 943 509 600 telefonora deituz eman ahal izango dute izena.

 

Gehiago irakurri:

Formación online: especialistas en clientes

Tejido empresarial

Formación impartida por Nerea Urcola, 12, 19 y 25 de junio, de 13:30 a 15:30.
Gehiago irakurri:

Bidasoa bizirik-ek Pechakucharen edizio berri bat antolatu du

· · Online formatuan izango da eta izen-emateak irekita daude ekitaldira joan nahi duten guztientzat.

· Gainera, ostegun honetan, hilak 11, sormen-sektoreari buruzko lehen Webinarra antolatu da Bidasoa bizirik, Bilbao Ekintza, Getxo Sustapen Ekonomikoa, Meatzaldeko Behargintza, Oarsoaldea eta Urola Kostaren eskutik.

Gehiago irakurri:
  • Copyright © 2020 Bidasoa Bizirik. Eskubide guztiak erreserbatuak
  • Hendaia, 8 - Ducoureau Jauregia 20301 Irun (Gipuzkoa)
  • Tel.: +34 943 509 600 - Fax.: +34 943 509 608 - bidasoa-activa@bidasoa-activa.com