Hondarribia eta Irungo potentzial turistikoa erakusten

 

 

  • Bidasoa bizirikek “Basques à Bordeux” azoka turistikoan parte hartu zuen eta Sevatur-en egongo da

 

Irun eta Hondarribiko udalek, Bidasoa bizirik elkartearen bitartez, azoka turistiko ezberdinetan parte hartzen ari dira gure inguruneko aberastasun kultural, arkitektoniko, gastronomiko eta naturala erakusteko.

Sevatur

Hurrengo hitzordua martxoaren 29,30 eta 31ean Ficoban izango da, Sevatur izeneko turismo azokan. Kasu honetan, Bidasoa bizirikek stand propioa izango du eta Gipuzkoako Euskal Kostaldeko stand-ean izango da ere. Bertan, Irun eta Hondarribiaren promozio turistikoa egingo da, horretarako, sektore nautikoa, esperientzia gastronomiko, jatetxeen eskaintza eta Euskadi Gastronomika Elkarteren barnean dauden establezimenduen pintxoen zerrendaren berri emateko euskarri ezberdinak erabiliko dira. Era berean, Dies Oiassonis, Irunen udan egin ahalko diren planen inguruko informazioa eta Hondarribian egingo diren bisita gidatuen inguruko informazioa emango da ere. Gainera, Irun Berdea izeneko aplikazioa erakutsiko da, Irungo ingurune naturala promozionatzeko helburua duen aplikazioa ezagutzera emateko. 

Sevatur ekintzak, hitzaldiak eta eskaintza gastronomiko eta turistikoaren inguruko informazioa eskaintzen dituen turismo azoka bat da. Aurtengo edizioa Errepublika Dominikarra, Valentziako Komunitatea, Andaluzia eta Lisboak parte hartuko dute, besteak beste.

Bisitari frantsesaren bila

2018 urtean turismo bulegoetan bildutako datuen arabera, turismo bulegoetan kontsultaren bat burutzen duten bisitarien %20,97a bisitari frantsesak dira. Hau da, Irun eta Hondarribian turismo frantsesak pisu garrantzitsua du. Euskadi mailan, sarrera eta gau-egonaldiei dagokienez, %41 eta %43 igo egin dira 2011 urteko datuekin alderatuta. Zehazki, 2018 urtean, 283.645 sarrera eta 444.290 gau-egonaldi egin ziren.

Hori indartzeko helburuarekin, azken urteetan “II Basques à Bordeaux” jaialdian parte hartzen ari da. Azoka hau martxoaren 23 eta 24aren arten egin zen eta Bidasoa bizirik Euskadi Turismoaren eskutik parte hartu zuen bertan, Eusko Jaurlaritzako Turismo, Merkataritza eta Kontsumo Sailaren kolaborazioarekin.

Beste azoka eta ekintzak

Martxoaren 22 eta 24aren artean, Basquetour-en eskutik, Bartzelonako turismo industrialeko azokan parte hartu zen Hirugurutzetako meatzaritzako esparruaren berri emateko. Bestetik, apirilaren 11ean, “San Sebastian Region” ekintzen barruan, Irun eta Hondarribira bisita tekniko bat egingo da, Irungo Plaiaundi parkea bisitatu eta Hondarribiko sektore nautikoa aurkezteko. Bisita hauetan turismoaren sektoreko 40 pertsona inguruk parte hartu ohi dute, agentzia, hotel, eta bestelakoen ordezkari gisa.

Bilakaera positiboa

Azken urteetan zehar Irun eta Hondarribiko bisitarien kopurua era nabarmenean hazi da. Okupazioei dagokionez, 2015 urtean Irun eta Hondarribiko hotelen okupazioaren bataz bestekoa %56,50ekoa izan zen, 2018 urteko %69,79koa izan zelarik.

Azken urteetan turismo bulegoetan eginiko kontsulten kopuruaren igoera oso nabarmena izan da. Zehazki, 2011ko urte osoan zeha 48.497 pertsonen kontsultei arreta eskaini zitzaien Hondarribia eta Irungo turismo bulegoetan, 2018 urtean, berriz, 109.703 pertsona hurbildu zirelarik.

 

  • Copyright © 2019 Bidasoa Bizirik. Eskubide guztiak erreserbatuak
  • Hendaia, 8 - Ducoureau Jauregia 20301 Irun (Gipuzkoa)
  • Tel.: +34 943 509 600 - Fax.: +34 943 509 608 - bidasoa-activa@bidasoa-activa.com