Enpresetarako zerbitzuak

Bidasoa biziriken erabiltzaileen ondoan egoten gara beren enpresa-jardueraren lehendabiziko urteetan

Bidasoa bizirikek arreta berezia jartzen du sortu berriak diren enpresetan,- urtebete baino gutxiago Ekonomia Jardueren gaineko Zergari (EJZ) atxikiak- pertsona ekintzaileek beren negozioaren kudeaketan aurrera egin dezaten..

Enpresetarako Zerbitzuak atalak ondokoa eskaintzen du funtsean:

• Finantzaketari buruzko informazioa..
• Enpresa berriei begira autogestiorako trebakuntza.
• Berrikuntzarako trebakuntza.
• Merkataritzaren sustapena.
• Izaera ekonomikoa duen informazioa web bidez.

Nork jo dezake guregana?

Bidasoa bizirik erabiltzen duen eta bere negozioaren bideragarritasun-plana gurekin egina duen orok.

Zergatik jo behar duzu guregana?

• Ez dakizulako zure enpresa martxan jartzen duzun lehen urteetan zeintzuk diren eskura dituzun laguntzak: Kontratazio eta inbertsio berriak, enpresan IKTak sartzea (informazioaren eta komunikazioaren teknologiak) … badaude horiek ezartzeko laguntzak eta guk tramiteak egiten lagunduko dizugu.
• Enpresa bat kudeatzerakoan esperientziarik ez duzulako: Bidasoa bizirikek zure enpresa-lanak zerorrek kudeatzen lagun zaitzake.
• Zertan datza berrikuntza praktikatzea? Aplikatu al dezaket berrikuntza nire enpresa-jarduera aurrera eramatean? Eskualdeko Berrikuntza Eragile den aldetik Bidasoa bizirikek berrikuntza foroak antolatzen ditu eta bere aditu-iritzia ematen du.
• Saltoki bat duzulako eta kalitate-ziurtagiria lortu nahi duzulako: ikastaro presentzial praktikoak eta on-line tresnak eskaintzen ditugu.
• Zure erabakiak ongi oinarrituta hartzeko informaziorik ez duzulako: Bidasoa bizirikek Bidasoaldeko ekonomiari buruzko informazio guztia jasotzeko eta prozesatzeko zerbitzu iraunkorra du.